Paco Souto, Metamorfose (para Alfonso Costa)

Ilustración por Viki Rivadulla
(fuente: e-Cain)
no copyright infringement intended

vivo nun país de marea baixa

entre argazos e agullas de coral

construímos a ilusión do solpor

mentres

o sol debruza con quietude

os seus pés

na lagoa da tarde

de enchermos a lúa

o noso país cativo

afogaría en sal océana

apenas é un baixo a romper

a pedra azul das augas

un salseiro de cobalto

sen terra para a labranza

sen augas de beber

sen respiro apenas

só nos queda arrincar a pel

e que veñan as escamas

empeñar brazos e pernas por aletas

e iluminar

coa tuberculose

as galadas que nos dean alento

maradentro

(fuente: e-Cain)

(Paco Souto)